Италија приведе две лица за шпионажа во корист на Русија

Италија приведе две лица за шпионажа во корист на Русија, објави италијанскиот весник „Република“.

Уапсените се висок функционер во италијанската морнарица и руски војник распореден во медитеранската земја.

Италијанскиот капетан е приведен за време на состанок со руски службеник кој бил на должност во амбасадата во Рим. Според обвинението, тој во замена за пари предал документи што содржеле класифицирани информации. Капетанот е приведен, а во моментов се расчистува правната состојба со руската војска, со оглед на неговиот дипломатски статус.

„Република“ посочува дека станува збор за многу сериозен случај, кој покажува дека и Италија е вклучена во новата руска офанзивна стратегија. Покрај активностите во последниве години за делегитимирање на италијанската Влада, како што се кампањи за дезинформација од анонимни социјални профили и вести што ги шират органи поврзани со Кремљ, сега постои и обвинување за отворено непријателска иницијатива, како што е шпионажата.

Двајцата се приведени по долга истрага. Имињата и позициите на вклучените вработени сè уште не се познати. Се верува дека можните причини за предавство се од економска природа.

„Република“ додава дека случајот е без преседан во поновата историја на Италија. Последната операција за шпионажа беше во 1989 година, пред падот на Берлинскиот ѕид.