Во Србија уште шест нови случаи на заразени со новиот коронавирус, вкупно 89
Во Србија денес до 18 часот регистрирани се вкупно 89 потврдени случаи на заразени со коронавирус, објави Министерството за здравство на сајтот „Ковид 19.рс“.
Од последниот извештај до денес во 18 часот, тестирани се примероци на 19 лица, од кои шест се позитивни и 13 се негативни за новиот коронавирус.
Три лица со полесна клиничка слика се наоѓаат во домашна изолација, додека три лица се задржани во болница, без компликации и со стабилна општа состојба.
До 18 часот, во националната референтна лабораторија на Институтот Торлак во Белград, вкупно се тестирани 440 лица кои ги исполниле критериумите за дефинирање на случајот.
Во Србија веќе три дена на сила е вонредна состојба, а од вечерва во 20 часот во Србија започнува и полицијскиот час, кој ќе трае до 05 часот наутро, со кој на граѓаните им се забранува излегување од домовите и движењето во овој временски интевал.
Од утринава, во 10 часот започна и забраната за движење на постарите лица од 65 години во градовите и 70 години во селата.
Ново на Сител
-
Тема на денот со Сара Миленковска
-
Енергетски колапс: Црна Гора, Босна и Херцеговина и Албанија со часови без струја
-
Пеколни горештини - Пијте вода, внесувајте електролити, контролирајте го притисокот апелираат лекарите
-
Шетаат змии низ Скопје: Две лица за една недела завршија на Инфективна
-
Таравари во понеделник ќе ги разреши економските директори на здравствените установи
-
Утре седница за избор на нова влада
-
Жените на македонската политичка сцена
-
Овчеполието повторно без вода за наводнување, посевите интензивно се сушат