Тажна вест: Почина еден од најголемите готвачи на денешницата
Водечкиот француски готвач Алан Сендерен, еден од основачите на движењето „Нова кујна“ (Nouvelle Cuisine), почина на 78-годишна возраст, соопшти критичарот Жил Падловски.
- Тој беше еден од последните големи креатори во Париз. Тој беше визионер, рече Падловски за човекот, кој заедно со Пол Бокус, Мишел Жерар и други готвачи ја започнаа „Новата кујна“ во 60-те и 70-те години на минатиот век.
- Никогаш нема да те заборавиме мил Алан. Веќе ни недостасуваш, напиша Падловски на својот блог.
Движењето „Нова кујна“ се карактеризира со елегантна презентација на јадења, кои покрај тоа се и поделикатни од традиционалните француски „тешки“ специјалитети.
Сандерен со децении беше најпознатиот готвач во Франција. Тој ја „сврте наопаку“ француската гастрономија со смелите комбинации на слатки и кисели вкусови, како јастог и ванила, па дури и реконструираше и древни рецепти како печени патки од готвач, кој датира од периодот на Стариот Рим.
Тој беше еден од првите кои се осмели да каже дека сирењето треба да се служи со бело вино.
Ново на Сител
-
Мицкоски од Вашингтон: Нова инвестиција во Скопје ќе отвори 100 работни места
-
Јавните компании пред колапс
-
Во недела Галичка свадба
-
Преглед на вестите од светот
-
Над 40 основни училишта се затвориле во изминатите пет години
-
Тема да денот со Иво Ранѓеловиќ, политиколог
-
Нови признанија на вина во случајот „Синџир“
-
Како оперираат крадците низ археолошките локалитети во државата?