Со културни содржини Струга ќе се привлекува туристи
Струшкиот Музеј „Доктор Никола Незлобински“ прави напори музејските експонати, но и целокупната културна понуда во Струга да биде вметната во туристичките понуди.
Директорот на установата Милован Шутиноски информира дека нацрт верзија од целокупната музејскат понуда била испратена до Агенцијата за промоција и развој на туризмот и туристичките агенции. Во нацрт верзијата, појасни дека се вметнати сите поставки, спомен домот на Браќата Миладиновци, галеријата Вангел Коџоман, поставката Враништа, односно се што во надлежност на Музејот.
- Најбројани се локалитети, пештерските цркви, базиликите во Радолишта и Октиси. Тука ќе има можност да се посети и галеријата во црквата „Свети Ѓорѓи“, теќето во Струга... Направивме еден концепт, туристичките агенции да имаат и интертес за почеток барем еден ден да го посветат на Струга. Овозможивме комлетна туристичка понуда во овој дел од културата каде би организирале една културна прошетка низ Струга, изјави Шутиноски.
Музејот, нагласи тој, прави напори да ги задржи туристите во Струга и на подолг рок.
Шутиноски посочи дека Министерзтвото за култура одобрило средства за осовременување на музејската поставка, проект што ќе се работи во неколку фази и на подолг период.
- Почетната фаза ја опфаќа целата природно-научна збирка и тука ќе биде опфатена самата збирка, изложените експонати и објектот. Се работи за еден подолгорочен проект и правиме проценка за работите што треба да се изведат, истакна директорот на Музејот.
Предвидено е целата збирка да се осовремени според најновите стандарди, да се променат излозите и осветлувањето, како и да се дигитализира дел од материјалот.
Ново на Сител
-
Отворено 32-то издание на фестивалот на камерен театар Ристо Шишков
-
Преглед на вестите од светот
-
Тема на денот со Зоран Крстевски, пратеник во првиот парламентарен состав
-
Мицкоски: Пред 33 години битката беше да се исправиме на нозе, денес за големи чекори
-
Честитки од политичките партии по повод независноста
-
По три години од пожарот во тетовската модуларна болница, одговорност се уште нема
-
За една недела 25 заболени од голема кашлица, хоспитализирани пет деца
-
Минчев: Балансерот се уште на сила, ќе се разговара за укинување