Повредени работници при пад од скеле
Тројца работници вчера кај клучката во село Миладиновци биле повредени при пад од скеле високо 5-6 метри.
Од МВР денеска соопштија дека во 9:30 часот во ЕИК-Скопје било пријавено дека во ГОБ „8-ми Септември“ биле донесени повредени лицата: Б.С. (34) од село Табановце-кумановско, С.В. (48) од село Биљановце-кумановско и З.К. (45) од село Чашка-велешко, вработени како работници во фирмата „Синтек-Инжинеринг“ ДООЕЛ-Скопје. Повредените кои околу 8 часот на автопатот Скопје-Куманово, поточно кај клучката во село Миладиновци, додека биле качени на монтажно скеле на висина од околу 5-6 метри и изведувале градежни работи, паднале откако една од жабките од скелето се откачила.
Од падот Б.С се здобил со тешки телесни повреди, фрактура на пршлен од рбетен столб и повеќе рани на главата и лицето, додека со телесни повреди се здобиле С.В. рани на темето на главата и набиеници по целото тело и З.К. со набиеница под десното колено и набиеница на карлицата. По укажаната лекарска помош З.К. бил пуштен на домашно лекување, а Б.С. и С.В. се задржани на понатамошно лекување.
Ново на Сител
-
Тема на денот со Јанаки Митровски, адвокат
-
Се крои владината коалиција со Вреди - ВМРО-ДПМНЕ веќе сама обезбеди 61 пратеник
-
Мицкоски во јавните настапи ќе користи „Македонија“ и „македонски“
-
Управен суд ја запре постапката за жалбата на коалицијата Вреди
-
Поради недоаѓање на сведоците одложено рочиштето за Пендиков
-
Корупцијата и неефикасната администрација - најголем проблем за германските инвеститори
-
Палчо ја помина првата вечер во притвор во „Шутка'', од неговата партија бараат биохемиска анализа на оброците
-
Први преговори ВМРО-ДПМНЕ - ВЛЕН