Орбан во писмо до Мишел повикува на разговори со Кина и обновување на односите со Русија
Унгарскиот премиер Виктор Орбан испрати писмо до претседателот на Европскиот совет, Шарл Мишел, во кое, меѓу другото, повикува на разговори со Кина за „мировна конференција“ и обновување на дипломатските односи со Русија, објави Билд.
Весникот наведува дека Орбан изнесол збирна оценка по неодамнешните разговори со лидерите на Украина, Русија, Кина, Турција и поранешниот американски претседател Доналд Трамп за конфликтот во Украина, како и некои предлози за разгледување.
Премиерот на Унгарија во писмото повикува на разговори со Кина за „мировна конференција“, обновување на дипломатските односи со Русија и, како што наведува, „политичка офанзива кон земјите од глобалниот југ, чија почит ја изгубивме поради нашиот став за војната во Украина“, пренесува Билд.
Писмото содржи десет точки, а кога станува збор за војната во Украина, унгарскиот премиер оценува дека во блиска иднина интензитетот на конфликтот радикално ќе се засили.
Политичкиот советник на унгарскиот премиер вчера изјави дека Орбан писмено ги информирал лидерите на Европскиот совет за искуствата од преговорите за мир во Украина, првата фаза од мировната мисија и за планот на Унгарија кој содржи реална проценка на ситуацијата и реални цели, како и соодветен распоред за дејствување.
Ново на Сител
-
Голема акција на МВР: Претреси во фирми кои се сомничат за даночно затајување
-
Тема на денот со Анџела Агелер, амбасадорка на САД
-
Голема акција на МВР: Претреси во фирми кои се сомничат за даночно затајување
-
Средба Сиљановска - Радев во Софија
-
Законот за бранители и црквата во Врапчиште ги судрија власта и опозицијата
-
Дамева: Ова e потврда на легитимитетот на Советот
-
Лукаревска не закажува седница за Законот за задолжување од Унгарија – Власта сака да ја заобиколи
-
Општините поднеле над 200 проекти на владиниот јавен повик