Најмалку девет загинати бегалци во напад на руските авиони врз село во провинцијата Алепо
Во воздушните напади на руските сили врз село полно со бегалци во северна Сирија, погинале девет лица, јави сирискиот Центар за мониторинг на човековите права, со седиште во Велика Британија.
Центарот наведува дека руските сили по полноќ го гаѓале селото Абеан, во руралните делови на западот од провинцијата Алепо. Меѓу загинатите шест се деца.
Бројот на смртни случаи веројатно ќе се зголеми бидејќи уште неколку лица се заробени под урнатините, како и затоа што повеќето од 20-тината ранети се наоѓаат во критична состојба, додаде Центарот.
Ибрахим ал-Хаџ, портпарол на спасувачката екипа на Белите шлемови, за ДПА изјави дека повеќето загинати и ранети се сириски бегалци кои бегале од руралните подрачја на Алепо.
Во северниот бунтовнички град Африн, во покраината Алепо, денеска експлодира автомобил бомба. Во нападот се убиени шест лица, додека 23 се ранети, додаде Центарот.
Сириската војска вчера соопшти дека во изминатите неколку дена стекнала контрола врз 600 квадратни километри во подрачјата на Идлиб и Алепо, кои претходно ги држеа бутновниците.
Популарно од Свет
Ново на Сител
-
Надзорот за смртта на 9-годишното дете е во тек - Политичките партии со меѓусебни обвинувања
-
Дел од маркетите ги замрзнаа цените на дел од основните производи во следните шест месеци
-
Синдикатот на УПОЗ бара средба со Владата
-
Рокас бара уставни измени, власта и опозицијата подготвени за реформи
-
Македонија е подготвена за преговори со ЕУ – порака од меѓународната Паневропска унија
-
Со фалц документи тргувале со нафта на големо
-
Обвинение за членови на група за проституција и дрога, вмешан и полицаец
-
Матичните лекари бележат зголемен број на болни од грип и други респираторни инфекции
