Метин Фејзиоглу: Претседателскиот систем на Ердоган ќе доведе до „султанат“
Новиот устав, кој претседателот Реџеп Таип Ердоган се обидува да и го наметне на Турција, во пракса земјата ќе ја претвори во „султанат“ и ќе стави крај на демократијата, изјави претседателиот на Сојузот на турскиот адвокатски колегиум, Метин Фејзиоглу, јави ДПА.
- Во нашите книги има специјален термин за тоа, тоа се нарекува султанат, рече Фејзиоглу денеска во Анкара.
Во моментов Парламентот е во процес на усвојување на уставните измени за воведување на претседателски систем, откако 18 члена беа одобрени со неопходното мнозинство од три петини во првото читање, а седум од нив веќе се одобрени и во второто читање.
Иницијативата на владејачката Партија на правдата и развојот е поддржана од крајнодесничарската Партија на националистичко единство, но двете партии заедно немаат доволно гласови за да го изменат Уставот без референдум.
Ердоган и раководството на Партијата на правдата и развојот сметаат дека пакетот уставни реформи, кој ќе создаде силна извршна власт, ќе помогнат во стабилизацијата на Турција. Противниците на мерките сепак сметаат дека тие ќе му наштетат на механизмот на контрола меѓу властите на државата и оти власта ќе биде сконцентрирана само во една институција.
- Може да се побара целосно укинување на поделбата на власта, рече Фејзиоглу и додаде дека новиот систем би довел до „нестабилност и хаос“.
Ново на Сител
-
Влада: Прв пат по седум години обезбедена навремена испорака на бесплатни учебници во сите основни училишта
-
Бразил нареди итно суспендирање на апликацијата „Х“ - Казната за обид за пристап до мрежата е 8.874 долари
-
Македонските фудбалери ги стартуваа подготовките за дуелите со Фарски Острови и Ерменија
-
Олимписките кругови ќе останат на Ајфеловата кула и по затворањето на Параолимписките игри
-
УЕФА ги поевтини билетите за гостински навивачи во ЛШ
-
Интерпелацијата на собранискиот спикер денеска на пленарна седница
-
1,7 милиони граѓани извадиле пасош со „Северна“
-
Алтернатива го освежува раководството на партијата со нови кадри