УЕФА ги поевтини билетите за гостински навивачи во ЛШ
Европската фудбалска асоцијација (УЕФА) одреди максимална цена од 60 евра за билети за навивачи на гостинските екипи во натпреварите од Лигата на шампиони,
Станува збор за намалување на цената за 10 евра од претходното ограничување, кое беше воведено од УЕФА во 2019 година. УЕФА планира да ја намали цената за дополнителни 10 евра за следната сезона.
„Денешната одлука е клучен чекор кон желбата на УЕФА да го подобри искуството на денот на натпреварот на сите фудбалски фанови. Со воведување на овие попристапни цени, сакаме да донесеме уште повеќе луѓе во спортот кој има навивачи кои патуваат низ Европа, за да ги поддржат нивните омилени клубови“, изјави претседателот на УЕФА, Александар Чеферин.
Одлуката на УЕФА за намалување на цените на билетите за гостинските навивачи е донесена заедно со Европската клупска асоцијација и Организацијата на фудбалски навивачи во Европа.
Најскапите гостински билети во Лига Европа ќе чинат 40 евра, додека во Конференциската лига не повеќе од 20 евра.
Ново на Сител
-
Изгоре помошна просторија на куќа во Струмица
-
Лука Салватори го загуби животот на трка во Германија
-
Грчка компанија го укинува летот Скопје-Сараево од 29 ноември
-
Осум мигранти загинаа во обид да го преминат Ла Манш
-
Сообраќајка меѓу трактор и автомобил, повредени три лица
-
Запалено возило во Кисела Вода
-
Алиу: Патот Призрен - Тетово го помага развојот на туризмот
-
Украинската ПВО соборила 14 руски дронови, а руската армија соборила 29 украински беспилотни летала