-->
-->
Левандовски промаши пенал против Мексико
-->
Се одигра вториот натпревар од групата Ц на Светското првенство. По големата победа на Саудиска Арабија над Аргентина, Полска и Мексико одиграа натпревар без голови. Левандовски можеше да стане херој на тимот, но промаши пенал.
Првото полувреме целосно им припадна на Мексиканците, додека од друга страна Полска не упати ниту еден удар во рамката од голот.
Првата прилика се виде во петтата минута кога Лозано се проби по левата страна, нафрли за Вега, но тој шутираше лошо.
Во 12. минута Морено погоди со глава на центаршут на Вега, но неговиот удар помина над голот.
После тоа на теренот дојде до затишје, а до крајот на мечот се обидуваше Санчез, но неговиот удар Шчесни го одбрани.
Во второто полувреме одлична можност за Полјаците - Морено го собори Роберт Левандовски во шеснаесетникот, а судијата откако ја консултираше ВАР просторијата и ја прегледа снимката покажа на белата точка.
Ударот го изведе напаѓачот на Барселона, но неговиот удар го одбрани сега веќе легендарниот Гиљермо Очоа.
Се играше во 64. минута кога Алварез направи обид, а неговиот удар одлично го одбрани голманот на Јувентус, Шчесни.
Кричовиак имаше одлична шанса за Полјаците, но неговиот удар го одбрани и Очо.
Резултатот не се промени до крајот на натпреварот, па екипите ги поделија бодовите.
Саудиска Арабија по првото коло изненадувачки е на лидерската позиција со три освоени бода, Полска и Мексико имаат по еден, а Аргентина е последна без бодови.
-->
-->
-->
Ново на Сител
-
Тема на денот со Дарко Аврамовски
-
Пентагон: Билатералните односи да останат надвор од НАТО
-
Се китат со туѓи перја - Српскиот министер за култура го присвои родното место на Јустинијан Први
-
Пратениците од крилото на Села остануваат со Европскиот фронт
-
ВМРО-ДПМНЕ со обвинувања до Венко Филипче
-
Задругите се иднината на Македонското земјоделие, но се уште се на незавидно ниво
-
Спектакуларно отворање на 50-то издание на фестивалот на народни песни ,,Пеце Атанасовски‘‘ во Прилеп
-
По теркот на останатите туристички центри потребно е да се работи на инклузивен туризам