Двајца загинати и четворица повредени во пожар во станбена зграда во Јоханесбург
Во пожар во станбена зграда во Јоханесбург две лица загинаа, а четворица се повредени, соопштија градските власти.
Пожарникарите се уште го гаснат пожарот кој утринава ја зафати двокатницата, се наведува во соопштението на Службата за итни случаи во Јоханесбург.
Не е познато колку луѓе се уште има во зградата, изјави портпаролот на градските служби за итни случаи за ТВ каналот eNCA, пренесуваат британските медиуми.
По гаснењето на пожарот ќе се спроведе истрага за причините за пожарот.
Повеќе од 70 луѓе загинаа во август минатата година во пожар што зафати петкатница во Јоханесбург, но одговорноста за пожарот се уште не е утврдена.
Британските медиуми наведуваат дека сиромаштијата, пожарите во домаќинствата и бездомништвото се широко распространети во јужноафриканскиот град Јоханесбург.
Ново на Сител
-
Приведен тинејџер, полицијата кај него пронашла дрога
-
Поевтинуваат дизелот и Еуросупер БС 98
-
Судскиот совет го одложи утврдувањето на кандидатски листи за избор на двајца членови на Советот
-
Од среда променливо облачно и посвежо со повремен дожд
-
Вработените во Фондот за здравство утре ќе протестираат
-
Србинка барана по Интерпол уапсена на аеродромот во Скопје
-
Утревечер седница на Советот за безбедност на ОН за Босна и Херцеговина по барање на Русија
-
За брзо возење 286 санкции на територија на цела држава