Утринските температури над нулата

Во Берово утрово е измерена најниска температура од 4 степени Целзиусови. Следат Маврови Анови со 5 степени, 6 Попова Шапка, Лазарополе, Претор, 7 Тетово, Крива Паланка, Битола, Струмица, 8 Скопје-Петровец, Охрид, Гевгелија, 9 Прилеп, 10 Скопје-Зајчев Рид, Крушево, Дебар, Куманово, Кавадарци, Штип, Велес и 12 степени во Демир Капија и Виница.

Времето денеска ќе биде сончево и топло со мала до умерена локална облачност. Ќе дува слаб до умерен ветер од јужен правец, поизразен долж Повардарието. Максималната температура ќе биде во интервал од 22 до 28 степени.

Во Скопје сончево и топло со мала облачност. Ќе дува слаб до умерен ветер од јужен правец. Максималната температура ќе достигне 27 степени.