Туск повикан на распит поради врски на полското воено разузнавање со Русија
Претседателот на Европскиот совет и поранешен премиер на Полска, Доналд Туск е повикан на распит поради сомнежите за соработка на поранешни шефови на полската Служба за воено контраразузнавање со руската Федерална служба за безбедност (ФСБ) без согласност на државните власти, соопшти денеска Михаил Џекански, портпарол на Окружното обвинителство во Варшава, кое ја води истрагата.
Според Џекански, поранешниот полски премиер е повикан како сведок.
Портпарол на Туск истакна дека тој нема да може да биде во Полска на 15 март, за кога е закажано сослушувањето, бидејќи веќе има ангажман во Европскиот парламент. На тој датум Туск ќе биде во Стразбур и поради тоа нема да може да сведочи во Полска.
Во декември минатата година Обвинителството покрена обвиненија против двајца високи контраразузнавачи дека „ги надминале своите надлежности, започнувајќи соработка со служба од друга држава без согласност на Министерскиот совет“.
Ново на Сител
-
Утре температура до 39 степени, следните денови уште потопло
-
Се враќа оградата пред владината зграда во Скопје
-
Пожар на ридот меѓу Горно Коњари и Миладиновци
-
Земјотрес со јачина од 3,4 степени во близина на Охрид
-
Патриоти за Европа нова група во ЕП или само ново име за десничарската Идентитет и демократија
-
Папата на католичка конвенција во Трст: Демократијата во денешниот свет не е во многу добра состојба
-
Илјадници Израелци денеска протестираа на автопатот меѓу Ерусалим и Тел Авив, блокирајќи крстосници и палејќи гуми
-
Следува период на многу топло време, температурата до 40 степени