Трајанов предлага закон за проверка на судските случаи
Претседателот на Демократскиот сојуз и пратеник Павле Трајанов достави Предлог-Закон за преиспитување на факти и докази користени во судска постапка, со кој се создаваат можности за повторување на постапката доколку судската одлука се заснова на:
- повреда на начелото презумпција на невиност,
- користење разговори од незаконито пресретнување на системите за комуникација,
- злоупотреба на посебната истражна мерка заштитен сведок,
- злоупотреба на системот за распределба на судски предмети(АКМИС).
- во други случаи на фабрикување или монтирање на факти и докази и др.
„Во суштина предлагам законски решенија за создавање законска можност, можност за преиспитување на фактите и доказите во сите политички мотивирани судски процеси преку повторување на постапката. Во изминатите 15 години има голем број на монтирани судски процеси, за кои се залагам да им се овозможи фер судење, каде ќе можат осудените да презентираат докази дека судските одлуки се засновани на лажни или фалсификувани факти и докази“, вели Трајанов.
Трајанов потенцира дека во тие политичко-полициски монтирани процеси биле вклучени политичкиот врв во државата, припадници од Министерството за внатрешни работи,(посебно од Управата за безбедност и контраразузнување,) јавни обвинители и судии.
„Инаку за овој закон стои Комитетот за заштита на правда, каде членуваат над 300 судени граѓани, кои укажуваат на флагрантно кршење на нивните права и неможност за обезбедат повторување на постапката преку решенијата содржани во Законот за Кривична постапка“, рече Трајанов.
Катерина Нешкова
Ново на Сител
-
Денеска е Светски ден на чоколадото
-
Обилните дождови предизвикаа свлечиште во Непал, загинаа најмалку 14 лица, девет се водат за исчезнати
-
Владина делегација на Самитот на НАТО во Вашингтон - јакнење на билатералните односи со САД и афирмирање на земјава како стабилен партнер
-
Симовски: Имаше јаки притисоци на Бугарија пред пописот во Албанија
-
МВР: Претреси на три локации во село Гајре, едно лице задржано на информативен разговор за убистото во Тетово
-
Борел: Орбан ја претставува само Унгарија, а не и ЕУ, на самитот на туркофонските земји во Азербејџан
-
Вулканот Етна исфрли лава и облак од пепел и чад висок околу пет километри
-
Демонстрации во Барселона против прекумерниот туризам