Борел: Орбан ја претставува само Унгарија, а не и ЕУ, на самитот на туркофонските земји во Азербејџан
Високиот претставник на Европската унија (ЕУ) за надворешна политика и безбедност, Жозеп Борел, го потсети унгарскиот премиер Виктор Орбан, кој учествува на самитот на Организацијата на туркофонски земји, дека тој ја претставува само својата земја, а не ЕУ.
Унгарија претседава со оваа организација во следните шест месеци, наведе Бета.
Борел во вчерашната изјава нагласи дека учеството на Орбан на неформалниот самит на Организацијата на туркофонските земји во азербејџанскиот град Шуша, на 5 и 6 јули, е исклучиво во рамките на билатералните односи меѓу Унгарија и оваа организација.
Предупредувањето уследи по сличното предупредување издадено во петокот во врска со посетата на Орбан на Москва, што, исто така, ја поттикна оценката на Борел дека Орбан, чија земја претседава со ЕУ, не добил мандат од ЕУ да ја посети Русија, нагласувајќи дека Брисел ја исклучува официјалната контакти со Москва.
По најновото предупредување од Брисел политичкиот директор на Орбан на социјалната мрежа Х иронично запраша дали тие имаат право да вечераат или за тоа треба да добијат и мандат од Советот на ЕУ.
Организацијата на туркофонски земји е меѓународна организација која ги обединува земјите од турско говорно подрачје. Основана е како Совет на туркофонски држави во 2009 година од Азербејџан, Казахстан, Киргистан и Турција. Унгарија стана членка набљудувач во 2018 година.
Според Орбан, организацијата, блиска до турскиот претседател Реџеп Таип Ердоган, претставува важен столб на соработката Исток-Запад, изјави еден од соработниците на Орбан на мрежата Х, пренесе МИА.
Ново на Сител
-
Скопје: Со возило полно мигранти бегал од полиција, па удрил во бетонски столб
-
Посебен режим на сообраќај во понеделник во Скопје
-
Трагедија во Гостивар - Почина 6-годишно дете, откако му се слошило на тренинг
-
Мицкоски: Целосно се реконструира граничниот премин Деве Баир, дел од Коридорот 8
-
Царинската управа запленила 36 килограми марихуана и голема количина лекови
-
Едно лица загина во сообраќајна несреќа на патот Струмица-Валандово, кај село Костурино
-
Мицкоски: Унгарскиот претседател Орбан понудата ја даде во име на претседателствувањето со ЕУ
-
Министерство за здравство: Ќе се утврдат причините за смртта на 14-месечно бебе