Собранието расправа за измените на Законот за минимална плата поднесени од опозицијата
Собранието на Република Македонија денеска во рамки на претпладневниот дел од 67. седница ја продолжи расправата по Предлог-законот за измени на Законот за минимална плата, поднесен од опозицијата.
Со законот се предлага висината на минималната плата да биде 11 илјади денари во нето износ и таа да важи за сите сектори, како и да се формира фонд за поддршка на стандардот на живот на вработените.
Пратениците од опозицијата оценија дека сегашното законско решение за минимална плата е селективно и оти со него не се задоволуваат основните потреби на работниците. Парламентарното мнозинство, пак, смета дека се работи за популистичко решение и неиздржан предлог.
Орце Панчев од СДСМ посочи дека со законското решение што го предлагаат ќе им се помогне на вработените пред се во текстилната и кожарската индустрија, додека неговиот сопартиец Марјан Даскаловски оцени дека минималната плата во Македонија е најниска во регионот.
Според Светлана Јакимовска од ВМРО-ДПМНЕ, со законот се поткопува договорот за минимална плата постигнат меѓу Сојузот на синдикати на Македонија и на Организацијата на работодавачи на Македонија.
Пратениците од ВМРО-ДПМНЕ укажаа дека не може да се донесе зголемување на минималната плата без консултација со работодавачите и синдикатите и оти доколку законот биде донесен ќе се затворат голем број приватни компании, а без работа ќе останат околу 30 илјади работници.
Со расправа по оваа точка од дневниот ред, Собранието ќе ја продолжи работата по редовната едночасовна пауза.
Ново на Сител
-
Производителите на пченица бараат повисоки откупни цени – откупувачите не даваат
-
Тема на денот со Горан Благоев, верски аналитичар и историчар од Софија
-
Коце Трајановски нов директор на Државни патишта, СДСМ критикува
-
Чибишев и поднел пријава на Бесија Иљази зошто незаконски им исплатила 650.000 денари на договорците
-
Судскиот совет има напредок, но и уште многу работа - Реакции на меѓународната заедница
-
Радев: Мицкоски нема познавање од меѓународно и уставно право
-
Приватните превозници нема да возат, бараат исплата на долг од над 2 милиони евра
-
Ни волшебно стапче нема да помогне за учениците во седмо одделение да имаат нови учебници