Со мотото „Од заедницата, за заедницата“ прогласени најдобрите на #ТвитерНагради 2019

Во соработка со Младинскиот културен центар се одржаа осмите #ТвитерНагради во киното Милениум, настанот на кој се прогласуваат најдобрите корисници на социјалната мрежа Твитер, но и од други социјални мрежи, како што се Инстаграм и Фејсбук и ЈуТјуб. Низ годините на манифестацијата Твитер и Блогираме награди добитници биле и се повеќето позначајни чинители од сферата на дигиталните медиуми во Македонија.

Како и секоја година до сега, така и во оваа, при изборот на најдобрите корисниците сами номинираат, сами одлучуваат преку гласање и никој никогаш нема да интервенира во нивниот избор за да одлучи поинаку. Односно, десетте корисници кои што се највеќе пати предложени за номинирање во секоја од 26-те категории се номинирани за гласање за избор на најдобрите. Мотото останува исто „Од заедницата, за заедницата“. Номинирањето и гласањето траеја по 3 недели, а целиот тој процес заврши на 1-ви декември, 2019 година.

Најважно од сѐ, овој настан има хуманитарна цел, односно не се наплаќа влез со цел посетителите да донираат средства за хуманитарни цели.

Според номинациите и гласањето, Твитер Изборна Комисија – ТИК ги прогласи победниците во следните категории:

НајДебитант/ка на Твитер

Тинка Минка @topceglopce

НајКомпанија / НајОрганизација на Твитер

СКОПСКО @SKOPSKO1924

НајСтрана на Фејсбук

КРВОДАРИТЕЛ @krvodaritel_

НајВебСајт на Твитер

Кафе пауза @kafepauza

НајФотографија на Твитер

M@ribel @Redpoppies1701