Се реконструира старата противпожарна зграда во Пехчево
Општина Пехчево започна со реконструкција на старата зграда во центарот на Пехчево, позната како противпожарна зграда. Со реконструкцијата, објектот ќе биде ставен во функција на пензионерите од Пехчево, но и за потребите на локалната самоуправа.
Градоначалникот Игор Поповски истакна дека на стариот и руиниран објект ќе се изврши комплетна адаптација и реконструкција, по што ќе се добијат 100м2 корисна површина за намена пензионерски клуб, а ќе се обнови и фасадата на објектот и ќе се постават нови врати и прозори.
- Се реконструираат просториите од првиот кат и пензионерите ќе имаат свое катче. Веќе започнаа градежните работи за реконструкција и адаптација на овој простор како Центар за пензионерите од Пехчево. Инвестицијата е на Општина Пехчево, но во реконструкцијата учествува и Здружението на пензионерите од Пехчево со свои средства. Очекувам овој простор да биде ставен во функција за неколку месеци, рече Поповски.
Инаку, освен просториите за пенизонерите, другиот дел од објектот ќе биде наменет за потребите на Локалната самоуправа , за ссувенирница и за музеј.
Ново на Сител
-
ДУИ чека преговори за Влада - Џафери одбива да говори за опозиција
-
Полицијата го пронајде виновникот за пожарот на мостот Беласица: 37 годишникот е веќе во затвор
-
Мерка на претпазливост, редовно јавување во суд за обвинетите за распределба на спортски ваучери
-
Џунглата во дворот на Владата ги скара Џафери и Арсовска
-
Не запира одливот на медицински сестри од јавното здравство
-
Трибина: Состојбите во современиот македонски јазик
-
Преглед на вестите од светот
-
Џафери со отчет за мандатот како технички премиер