Промотивно засадување дрвца
Под мотото „Засади успех“ денеска во Средното земјоделско-ветеринарно училиште „Браќа Миладиновци“ во општина Кисела Вода, (нас. Драчево) ќе се одржи промотивно засадување дрвца во рамки на 16. акција „Ден на дрвото-есен 2015“.
Како што најавуваат организаторите, во кампањата оваа година акцентот е ставен на средношколците од градот Скопје, кои во текот на промотивната кампања насловена „Засади скопска иднина“, континуирано ќе засадуваат дрвца во училишните дворови и ќе ја озеленат својата средина.
Во акцијата ќе се вклучат градоначалникот на Град Скопје Коце Трајановски и претставници од секторите за заштита на животната средина и образованието кои ќе засадуваат дрвца по средните училишта заедно со познати и успешни спортисти, писатели, естрадни личности, сликари итн.
- Ваквото наменско и планирано засадување има повеќекратни ефекти и далекусежни благодети, не само за озеленување на дворовите на училиштата, туку и за едукација и поттикнување на еко-свеста кај младите. Идејата е тие сами да се грижат за дрвцата кои ќе ги засадат. Поттикнувањето на еко-свеста е значајна за обвновување на кругот на биодиверзитетот како важен услов за хармонија и синергија меѓу луѓето, животните и растенијата на нашата единствено населена Планета - мајката Земја, посочуваат организаторите во соопштението.
Медиумската кампања ќе биде исполнета со промотивни засадувања и активности се до денот на одржувањето на 16-та акција „Ден на дрвото - есен 2015!“, кој се очекува да биде во втората половина на ноември.
Ново на Сител
-
Ќе се замрзнуваат цените на производите ако трговците не ги поевтинат
-
Ниска цена за експропријација на земјоделско земјиште за новиот автопат Прилеп - Битола
-
Комисијата за заразни болести будно ја следи состојбата по пријавата на заразено дето со морбили
-
Лицата со мускулна дистрофија тип Душен и Бекер бараат поддршка од државата
-
Преглед на вестите од светот
-
Со повисоки субвенции до повеќе патници во авиосообраќајот
-
Тема на денот со проф. д-р Кети Ставриќ, имунолог
-
Пукале петарди и палеле жижици: Тројца малолетници го предизвикале големиот пожар кај Расадник