Почнува традиционалниот саем на книга на „Матица“
Клубот Матица од денеска до 31 јануари ќе го организира 17. Саем на книга „Книга во секој дом“, годинава со поднаслов „300.000 книги во Матица“. На читателите ќе им бидат понудени наслови од домашна и од странска продукција.
- Во соработка со повеќето македонски издавачки куќи и реномирани светски и регионални издавачки компании, како Харпер Колинс, Парагон, Орион, Делфи, Вулкан и Лагуна, ќе бидат понудени најновите остварувања од домашната и светска прозаистика, архитектура и уметност, најчитаните наслови и автори од областа на економијата, филозофијата, гастрономија и лексикографија, историја и поезија, енциклопедии, книги за најмладите, креативни проекти итн, соопшти „Матица“.
Во деновите на саемот ќе бидат организирани и книжевни средби на читателите со млади и веќе докажани автори, како Вера Калин, Ксенија Николова, Ана Бунтеска, Евгениј Хоуп, Марија Лозаноска, Јован Илиески и Драган Јованов.
- Ваквиот начин на комуникација автор-читател ги потврдува нашите ставови дека кај нас има млади, талентирани автори кои знаат да направат светска приказна, а читателите знаат и умеат да го препознаат тоа, истакнуваат од „Матица“, чиј саем „Книга во секој дом“ секоја година има повеќе од 30.000 посетители.
Ново на Сител
-
Пo 50 години конзервација на мозаиците на локалитетот Стакина чешма во Валандово
-
Преглед на вести од светот
-
Тема на денот со екс амбасадорот во Бугарија, Марјан Ѓорчев
-
Без новиот Закон за заштита на конкуренцијата ќе нема кој да контролира трговци
-
Љутков: Изградбата на Универзална е стопирана, бидејќи не се знае во чие владение е салата, следуваат кривични пријави
-
Вреди задоволни што сработиле во првите 100 дена во Владата на Мицкоски
-
Анкета на Мкд.мк: Рејтингот на власта расте, но корупцијата се уште е најголем проблем
-
Лани околу 9000 пациенти во Македонија починале од кардиоваскуларни заболувања