По третпат пропадна намерата на републиканците за укинување на „Обамакер“

Американскиот Сенат со отфрлање на планот за укинување на законот за здравствени усвоен за време на поранешниот претседател Барак Обама (Обамакер) нанесе голем политички удар на Републиканската партија и плановите на актуелниот претседател Доналд Трамп, јавуваат американски медиуми.

Гласањето што траеше до доцна до самиот крај беше тензично кога републиканскиот сенатор Џон Мекејн даде одлучувачки глас – против тој закон. Имено, 51 сенатор беа „против“ и 49 беа „за“ укинување. 

– Ова е разочарување, навистина разочарување, изјави Мич Меконел лидер на мнозинството со Сенатот до своите колеги по гласањето.

Најмалку тројца од републиканците – Џон мекејн, Сузан Колинс и Лиса Мурковски гласаа против новиот закон за кој беше потребно просто мнозинство за да биде усвоен. Тоа беше третпат Сенатот да го отфрли  планот за укинувњаее на Обамакер.

Планот за новиот закон предвидува длабоки промени во програмата Медикејд, програма за здравствено осигурување за сиромашни како и намалување на субвенциите од Обамакер за луѓе со ниски плати. Кога Обамакер би бил укинат и заменет со друг закон, милиони Американци би можеле да го загубат осигурувањето, јавува Глас на Америка.