Петти руски ПВО полк станува оперативен близу Москва

Руски полк за противвоздушна одбрана, опремен со ракетен систем „С-400 Триумф“, е распореден во Московскиот регион и ставен во оперативна состојба, соопшти денеска Министерството за одбрана на Русија.

- Припадници на полк од силите за противвоздушна одбрана во Московскиот регион, кои се опремени со новиот систем за противракетна одбрана се ставени во активна состојба од 21 февруари, соопшти Министерството.

Тоа е петти таков систем распореден во околина на Москва.

Противракетниот систем С-400 е најнапредно руско оружје опремено со ракети земја-воздух, со дострел до 400 километри, кои може да уништат какви било цели во воздух, вклучувајќи и балистички и крстосувачки ракети.