Основниот суд во Битола со нова фасада
Заврши реконструкцијата на фасадата на Основниот суд во Битола, со што неговиот административен простор доби нов современ лик на кој впечатливо е поставена Јустиција, римската божица на правдата.
Според Дејан Крстанов, претседател на Основен суд Битола, новата фасада е повеќе функционална и со квалитетна изолација.
-Фасадата на Основен суд Битола беше непроменета и без интервенции долго време, можеби повеќе од 20 години. Посебно беше оштетен северниот дел од фасадата и без изолација. Реконструкцијата ја извршивме со сопствени средства, и освен интервенција врз фасадата извршена е промена на прозорците од северната страна на зградата, интервенции во внатрешната инфраструктура и поправка на кровот кој прокиснуваше. На источната страна впечатливо се забележува Јустиција која според реакциите на граѓаните го обележува овој комплекс во градот и 24 часа прекрасно изгледа бидејќи има солидна илуминација, истакна судијата Крстанов.
Реконструкцијата во Основниот суд Битола ќе продолжи и во текот на годинава, а главен фокус е обновата на судниците.
-Во Битолскиот Основен суд има 11 судници, од нив пет се обновени, а за шест имаме јасен план како да ги обновиме и направиме пофункционални. Очекувам со средства од Судскиот буџетски совет, три судници целосно да се реконструираат и обноват во текот на оваа година, да се инсталира нова опрема и да се овозможат услови за уште поквалитетно работење, посочи Крстанов.
Основниот суд во Битола располга со солидна судска библиотека, а внатрешните интервенции во зградата последен пат беа вршени во 2006 година со донација од УСАИД во рамки на проект за модернизација на судството во Македонија.
Ново на Сител
-
Тема на денот за придобивките од членството во НАТО
-
Едно лице задржано во полиција по убиството во Тетово
-
Почна посетата на Вашингтон на владината делегација предводена од Мицкоски
-
Фрчковски повикан на консултации во МНР
-
Симовски: Бројките од пописот во Албанија се резултат на интензивна бугарска пропаганда
-
Засилени полициски контроли на најфреквентните места
-
Фестивалски викенд во Кратово „Златни денови 2024”
-
Аутдор фестивал „When in Krusevo“ по 8-ми пат