Општина Куманово одвои 800 илјади денари за заловување кучиња скитници
Во Куманово ќе почне акција за заловување кучиња скитници. Тендерот што го распиша општината е завршен. Кучињата ќе ги заловуваат екипи на ветеринарно-сточарскиот центар „Тодор Велков“ од Куманово. За оваа цел општината од буџетот издвои 800 илјади денари без вклучен ДДВ, информираа денеска од Секторот за инспекциски надзор.
- Акцијата за заловување, како и претходните години ќе почне од централното градско подрачје, а понатаму ќе се шири кон периферијата на градот, изјави комуналниот редар од Секторот за инспекциски надзор Гордан Таневски.
Кучињата ќе ги заловуваат стручни екипи од ветеринарниот центар, кој располага со прифатилиште лоцирано во кумановското село Четирце.
- Прифатилиштето ги исполнува сите законски стандарди. Кучињата се чуваат триесет дена, подлежат на третмани и се враќаат на локацијата каде што се заловени, изјави Таневски.
Кумановци редовно го информираат Секторот за инспекциски надзор за присусутво на кучиња скитници во одредени делови од градот.
Со претходниот тендер на подрачјето на градот беа заловени околу 300 кучиња скитници.
Ново на Сител
-
Дали и кој ќе одговара за смртта на 14 месечното бебе по утврдените недостатоци од стручниот надзор?
-
Албанија ги започна преговорите, Рама смета дека историјата не смее да ја држи Македонија надвор од ЕУ
-
Додека во ЕУ се одлучува едногласно, Македонија не може да почне преговори без уставни измени
-
Вреди не се откажува од Албанска академија на науките: Ќе ја финансира преку општините
-
Грејната сезона почна, учениците во 8 основни училишта во Карпош на настава без парно
-
Скопјани меѓу нејнезадоволните од јавниот превоз во Европа
-
Меѓународен ден на белиот стап - како е да се живее со оштетен вид во Македонија
-
Преглед на вестите од светот