Мурињо со нов договор за исти пари во Челзи

Португалскиот тренер на клупата на Челзи Жозе Мурињо и во следните четири години ќе биде менаџер на актуелиот шампион на Англија Челзи. И според новиот договор Мурињо ќе заработува 8,5 милиони фунти годишно. 

Сопственикот на Челзи Роман Абрамовиќ веднаш по завршената ланска сезона покажа интерес да ја продолжи (обнови) соработката со трофејниот менаџер, особено откако сезоната Челзи ја заврши на доминантен начин во Премиер лигата, а беше освоен и трофеј во Лига купот.

Мурињо веќе ги почна активностите за новата сезона, а англискиот првак на подготовки во САД треба да замине на 15.јули.