Лавров: Русија планира целосно обновување на соработката со ЕУ
Русија планира целосно да ја обнови соработката со Европската Унија, најголемиот трговско-економски партнер на федерацијата, изјави денеска шефот на руската дипломатија Сергеј Лавров на средбата со високата претставничка на ЕУ за надворешна политика и безбедност, Федерика Могерини, пренесе ТАСС.
- Повеќепати ја изразувавме принципиелната подготвеност за нормализирање на односите, со темпо што ќе биде прифатливо за ЕУ, кажа Лавров.
Москва ја повикува ЕУ да се фокусира врз заедничките реални закани, а не врз измислените безбедносни ризици, додаде Лавров.
Тој и заблагодари на надворешнополитичката служба на ЕУ за изразите на сочуство, што беа упатени по повод неодамнешниот терористички напад во Санкт Петербург.
- ЕУ има интерес да соработува со Русија во борбата со тероризмот, каде двете страни имаат за решавање заеднички задачи, а, исто така, и да ја решат ситуацијата во Сирија и во Либија, изјави Могерини.
Таа забележа дека ЕУ е заинтересирана и за „положбата со Полуостровот Крим“.
- Имаме за разгледување широк круг од прашања, посочи првата европска дипломатка.
Ново на Сител
-
Златен џебен часовник од „Титаник“ продаден за рекордни 1,2 милиони фунти
-
Пронајдено безживотно тело на 26 годишна девојка во куќа во Штип
-
Лазаров го објави списокот на ракометари за собирот пред средбите со Фарски Острови
-
Силва го напушта Челси на крајот од сезоната
-
Партиите и коалициите продолжуваат со промоција на своите политички понуди на терен
-
125 санкционирани возачи во Скопје
-
Најмалку тројца полицајци убиени во престрелка во Северна Каролина
-
На полноќ истекува рокот за пријавување на болните и изнемоштените за гласање на изборите на 8 мај