Кери: Договорот за примирје го намали насилството во Сирија

Американскиот државен секретар Џон Кери изјави денеска во Москва дека „кревкото делумно примирје“ во Сирија влијаело за намалување на насилството, но потребно е тоа уште да се намали и да се зголеми доставувањето на хуманитарна помош.

- Чесно е да се каже дека пред три недели мал беше бројот на оние кои веруваа дека прекинот на непријателството е можен во Сирија, истакна Кери на почетокот од средбата со рускиот колега Сергеј Лавров.

Тој нагласи дека резултатот од тоа е „одреден напредок и постои кревко, но корисно намалување на насилството“.

Кери во текот на денов ќе оствари средба и со рускиот претседател Владимир Путин.