Ибраими: Словенија е убав предизвик

Македонскиот репрезентативец и еден од најдобрите фудбалери на словенечки Марибор, Агим Ибраими смета дека натпреварот против Словенија ќе биде добар тест за нашиот национален тим.

 

-Знаеме дека Словенија секогаш имала добра репрезентација и пред се имаат многу квалитетни играчи кои веќе го докажаа својот квалитет во големи клубови. Но, сега против нас мислам дека ќе имаат промени во составот, мислам дека шанса ќе добијат некои нови фудбалери, гледаме дека повик добија неколку играчи од словенечкиот шампионат. Ние треба да се фокусираме на нашата игра и со позитивните промени кои ги донесе новиот селектор треба да ги исполниме зададените задачи и да бидеме успешни на натпреварот против словенците, изјави Агим Ибраими.