Гувернерот на Калифорнија: Трамп ќе остане запомнет како „лажго, криминалец или будала“
Гувернерот на американската сојузна држава Калифорнија Џери Браун изјави дека претседателот Доналд Трамп ќе остане запомнет како „лажго, криминалец или будала“.
Браун говореше на климатската конференција во Сан Франциско, организирана откако Трамп нареди повлекување на САД од Парискиот климатски договор. Калифорнија реши сепак да ги почитува одредбите од договорот и претстави амбициозен план за затворање на преостанатите термоцентрали и електрифицирање на возниот парк. Над 4.000 учесници, меѓу кои и првите луѓе на Мекдоналдс и Волмарт, актерите Харисон Форд и Алек Болдвин, и поранешниот градоначалник на Њујорк Мајкл Блумберг учествуваат на конференцијата чија цел е да се дискутира за начини како одделни американски држави да го намалат испуштањето на јаглерод диоксид.
Трамп неодамна жестоко ги критикуваше калифорниските власти токму по прашањето на екологијата, велејќи дека поради нивното лошо менаџирање со водните и шумските ресурси некогаш плодните калифорниски полиња се суви, а милиони неисечени суви дрва предизвикуваат смртоносни пожари.
Ново на Сител
-
Внатрепартиски избори за претседател на СДСМ – тројца кандидати
-
Агелер: Нема репреговарање на Договорот од Преспа и напредокот кон ЕУ
-
Детектор: Македонските граѓани сакаат членство во ЕУ, но не по цена на Бугари во Уставот
-
Бугарија задоволна од пописот во Албанија, Грција бара почитување на малцинствата
-
Со 250 милиони евра годишно ќе се развиваат општините
-
Жителите на Оревоец судски и со блокади против ископ на материјал од страна на Бехтел и Енка
-
Велосипедистите бараат патека за поврзување на Охрид - Струга
-
Преглед на вестите од светот