Грчки медиуми: Договор за Северна Македонија, потпишувањето викендов во Преспа
Република Северна Македонија е името за кое се договориле двајцата премиери, а договорот меѓу двете земји, Зоран Заев и Алексис Ципрас ќе го потпишат во текот на викендот, веројатно во сабота во Преспа, на грчка територија, објавуваат медиумите во Грција.
Сепак, сѐ ќе биде појасно по денешниот телефонски разговор меѓу двајцата премиери, за кој грчките медиуми коментираат дека е клучен и веројатно ќе доведе до решение.
„Скопско прашање: еден чекор пред договор“; „Денес се затвора скопското прашање“; „Денес клучниот телефонски разговор“; „Северна Македонија договорено име“, се дел од насловите во грчките медиуми, во пресрет на денешниот, нов, телефонски разговор.
Грчките медиуми денеска ги пренесуваат и пораките што вчера ги испратија, како македонскиот премиер преку интервјуто за „Телма“, така и шефот на грчката дипломатија преку телевизијата „Контра“ и оптимизмот што го изразија и Зоран Заев и Никос Коѕијас.
Како што јави дописничката на МИА од Атина, според информациите во Грција, доколку денеска постои договор, се очекува грчкиот премиер да ги информира, прво, претседателот на земјата, а потоа и лидерите на политичките партии за евентуалното решение.
Во однос на потпишувањето на договорот, поради исполнетата агенда на двајцата премиери и шефовите на дипломатиите во следните денови, медиумите во Грција коментираат дека за време на викендот, веројатно во сабота, би можело Зоран Заев и Алексис Ципрас, да се сретнат во Преспа, на територијата на Грција и да го официјализираат она што денес ќе го договорат телефонски.
Ново на Сител
-
Тема на денот со Дарко Аврамовски
-
Пентагон: Билатералните односи да останат надвор од НАТО
-
Се китат со туѓи перја - Српскиот министер за култура го присвои родното место на Јустинијан Први
-
Пратениците од крилото на Села остануваат со Европскиот фронт
-
ВМРО-ДПМНЕ со обвинувања до Венко Филипче
-
Задругите се иднината на Македонското земјоделие, но се уште се на незавидно ниво
-
Спектакуларно отворање на 50-то издание на фестивалот на народни песни ,,Пеце Атанасовски‘‘ во Прилеп
-
По теркот на останатите туристички центри потребно е да се работи на инклузивен туризам