Две нови продукции во Велешки театар
Во Народниот театар „Јордан Хаџи Константинов-Џинот“ во Велес во тек се подготовките на две нови театарски продукции.
Како што појаснуваат од театарот, првата продукција е „Тирамису“, работена според истоимениот текст на полската авторка Јоана Овшианко, во адаптација и режија на Теа Беговска, како дел од Годишната програма на Театарот за 2017 година, поддржана од Министерството за култура на Република Македонија.
Сценографијата е на Валентин Светозарев, костимографијата на Андреј Ѓоргиевски, а автор на музиката е Енес Беговски.
Во претставата настапуваат актерите: Маја Љутков, Зорица Панчиќ, Талија Настова, Марија Стефановска, Фаик Мефаилоски, Жарко Спасовски, Душица Настова и Румена Шопова.
Втората продукција е постановка на драмскиот текст „Пасивно пушење“ од Небојша Ромчевиќ, во режија на Јордан Витанов, како проект кој се реализира од сопствени средства на театарот.
Сценографијата и костимографијата се на Валентин Светозарев, кореографијата на Маја Каревски, а авторската музика на Сашко Костов.
Во претставата настапуваат актерите Зоран Љутков, Фаик Мефаилоски, Александар Велјановски, Кирил Гравчев, Јордан Витанов и Весна Димитровска Бобевски.
Од Програмата на Театарот за 2017 досега беа реализирани четири премиерни изведби: „Ана Комнена“ од Сашо Димоски, во режија на Ненад Витанов и Васил Зафирчев, „Театар љубов моја“ од Валери Петров, во режија на Деан Дамјановски, „Песни за татковината“, авторски проект на Петар Темелковски и „Синиот портокал“ од Џо Пенхол, во режија на Александар Ивановски.
Ново на Сител
-
Бајден изјави дека САД работат на тоа да им се овозможи на раселените жители од северен Израел да се вратат дома
-
Шефот на ИДФ вети дека војската ќе стигне до секој што им се заканува на израелските цивили
-
Николоски на средби со министри за транспорт на ЕУ ја презентираше инвестициската програма на Владата
-
Тошковски: Се надевам дека ќе нема настани кои ќе подгреваат тензии, ако има соодветно ќе одговориме
-
Тошковски: Фокусирани сме на функционален систем за следење на сообраќајот со камери
-
Жена физички нападнала вработен во општина Кочани
-
Гостиварец се заканувал на сопругата, на нејзината мајка и на ќерката
-
Маж се соблекувал пред малолетници