Четири нови случаи на КОВИД-19 во Кавадарци
Четири нови случаи на КОВИД-19 се регистрирани во Кавадарци, информацијата за МИА утрово ја потврди доктор Ристе Јовановски, специјалист епидемиолог при кавадаречкиот Центар за јавно здравје.
-Се работи за машки лица на возраст од 26 и 55 години и женски лица на 23 и 45 години. Сите се со лесна клиничка слика и на домашно лекување. Имале контакти со позитивни на коронавирус. Сега се работи на утврдување на нивните контакти, со цел нивна изолација, рече Јовановски.
На прашањето дали ноќниот живот во Кавадарци и големите собирања на одделни места се причина за појавата на вирусот кај млади личности, Јовановски нагласи дека собирањата на повеќе лица на едно место и тоа без заштита, без почитување на мерки, секако дека претставуваат ризик во ситуација на пандемија. Не само во Кавадарци, туку и во целата држава.
-Вирусот не знае за ноќ или ден, млади или стари. Но факт е дека младите повеќе се собираат. Потребно е сите да ги почитуваат мерките, додаде Јовановски.
Ново на Сител
-
Тема на денот со Дарко Аврамовски
-
Пентагон: Билатералните односи да останат надвор од НАТО
-
Се китат со туѓи перја - Српскиот министер за култура го присвои родното место на Јустинијан Први
-
Пратениците од крилото на Села остануваат со Европскиот фронт
-
ВМРО-ДПМНЕ со обвинувања до Венко Филипче
-
Задругите се иднината на Македонското земјоделие, но се уште се на незавидно ниво
-
Спектакуларно отворање на 50-то издание на фестивалот на народни песни ,,Пеце Атанасовски‘‘ во Прилеп
-
По теркот на останатите туристички центри потребно е да се работи на инклузивен туризам