Белгија прогласена за виновна за киднапирање деца во Конго под колонијална власт
Судот во Брисел ѝ нареди на белгиската држава да плати компензација на жртвите на присилното одвојување на децата од мешана раса од нивните семејства под белгиската колонијална власт во Конго.
Апелацискиот суд во Брисел ја укина претходната пресуда од 2021 година, објави јавниот сервис РТБФ.
Киднапирањето деца од мешана раса во Конго, организирано од белгиската држава и извршено со помош на Католичката црква, е злосторство против човештвото, соопшти судот.
Белгиската држава мора да ги обесштети петте жени кои го покренаа случајот. Се проценува дека околу 20,000 деца од мешана раса биле насилно одземени од нивните семејства под белгиска колонијална власт.
Тужителите, од кои пет се родени во Конго помеѓу 1946 и 1950 година од татковци Белгијци и мајки од Конго.
Тие беа земени од нивните домови и насилно сместени во сиропиталишта како повеќето деца од мешана раса во тоа време.
Документите од колонијалните архиви презентирани од адвокатите на тужителите покажаа дека децата биле одземени од нивните мајки од нивните родни села со сила, закани или измами, иако не биле ниту напуштени, ниту запоставени, сираци или несакани.
Белгија ја контролираше територијата на Демократска Република Конго од 1908 до 1960 година и Бурунди и Руанда од 1922 до 1962 година.
Ново на Сител
-
Николоски најавува влез на нови странски инвестиции
-
35 апликации од општините за финансирање проекти од државниот буџет
-
Дел од помладите не знаат за спомен обележјата во градот
-
Расте интересот за младински волонтеризам во Црвениот крст во Струмица
-
Преглед на вестите од светот
-
Трговците разочарани, за ССМ и ОПМ владините мерки кои ќе ја поевтинат храната, се добри
-
Коцевски: Ако јас имам дисциплинска повреда, нека ме разрешат
-
Над илјада производи ќе се продаваат со замрзнати маржи до крајот на април