Лавров по разговорите во Ријад: Не само што се слушавме, туку и се слушнавме

Рускиот министер за надворешни работи Сергеј Лавров денеска изјави дека руската и американската делегација на разговорите во Ријад „не само што се слушале туку и се слушнале“ и најави скоро отворање на амбасади во двете земји.

Лавров на прес-конференција по средбата рече дека двете страни се договориле да обезбедат „најбрзо можно“ именување на амбасадори и отстранување на бариерите што американската администрација, особено онаа на претходниот претседател Џо Бајден, ги поставуваше меѓу дипломатските претставништва долги години.

Тој додаде дека меѓусебното присуство на амбасадите е „практично договорено“, што значи дека двете страни се согласиле дека треба да ги решат прашањата за функционирањето на дипломатските претставништва, пренесува „Гардијан“.

Лавров ги оцени разговорите меѓу двете делегации како „многу корисни“.