Зголемен бројот на сообраќајни незгоди во Крива Паланка и Ранковце
Бројот на сообраќајни незгоди кои се случиле на подрачјето на општините Крива Паланка и Ранковце во второто полугодие на 2016 година е зголемен за 2,7 отсто во однос на истиот период претходната година.
Според податоците презентирани на 39-та седница на Совет на општина Крива Паланка во информацијата за превземени мерки и активности на Полициска станица од општа надлежност, Крива Паланка, во текот на извештајниот период на подраќјето на двете општини се случиле вкупно 38 сообраќајни незгоди, додека бројот на сообраќајни несреќи во иститот период 2015 година изнесувал 37.
-Од вкупниот број на случени незгоди, една е со едно загинато лице, осум сообраќајни незгоди се со повредени лица, во кои повредени се 12 лица, додека останатите 29 сообраќајни незгоди се само со материјална штета под 50 просечни плати во стопанството, изјави Гоце Ивановски, командир на ПС од ОН , Крива Паланка.
Вкупната причинета материјална штета во незгодите изнесува 2.743.000 денари.
На превентивно -репресивен план за управување под дејство на алкохол, без возачка дозвола и управување технички неисправно или нерегистрирано возило исклучени се 58 возачи и 34 возила, алкотест бил употребен во 593 случаи, при што во 18 случаи возачите покажале знаци на алкохолираност, додека времено биле одземени 17 возачки дозволи.
Ново на Сител
-
Кривична пријава за „предизвикување општа опасност“ против полициски служеник во Струмица
-
Жената врз која падна дрво во Скопје не е во животозагрозувачка состојба
-
Пожарникари со пет противпожарни возила гаснат опожарени отпад и сува трева кај Кванташки пазар
-
ЦУК информира за штетите предизвикани од невремето кое го зафати попладнево Скопје – паднати дрвја, оштетени возила и кровови, откачени кабли од бандери
-
Владата одлучи - ќе се враќа оградата околу владината зграда
-
Владата именува нови директори на неколку државни институции
-
Оливер Миланов именуван за директор на Агенција за Храна и Ветеринарство
-
Дрво падна врз жена во Скопје | ВИДЕО