Затворениците во Тајланд ќе имаат право да чуваат куче
– Тајландското Министерство за правда ќе им дозволи на затворениците во четири затвори во кралството да имаат домашни миленици. Пилот проектот има за цел да ја намали анксиозноста, депресијата и другото асоцијално однесување кај затворениците.
Ефективноста на терапијата со животни ќе се тестира во затворите Након Рачасима, Рајонг, Клонгфаи и Каобин, објави Бангкок пост.
„Се надеваме дека преку оваа иницијатива затворениците ќе можат психолошки да се подготват за нивното враќање во општеството по ослободувањето“, соопшти Министерството за правда.
.Министерот за правда Сомсак Тепсутин рече дека агенцијата со која тој раководи работи со здруженија на животни и засолништа за да најде кучиња за проектот. Во оваа фаза се уште не е јасно колку време затворениците ќе поминуваат со животните.
За секој затвореник на кој ќе му биде одобрено да учествува во проектот ќе биде избрано куче кое одговара на неговиот карактер и (или) темперамент. Затворениците ќе бидат советувани од ветеринарите како да се грижат за животните. Доколку биде успешна, иницијативата ќе се прошири и во другите затвори во земјата.
Заклучно со мај оваа година, во кралството има 310.800 затвореници кои отслужуваат казна во 143 затвори.
Ново на Сител
-
На ГП Табановце за влез и излез од државата се чека по околу половина час
-
Зеќирија Ибрахими е нов претседател на Алтернатива избран на вонредниот конгрес во Куманово
-
Кратово блесна во полн сјај на првата фестивалска вечер од ЗЛАТНИ ДЕНОВИ КРАТОВО 2024 | ФОТО
-
МВР го барала да го уапси, а тој пробал да лета преку аеродромот во Скопје
-
Повреден германски параглајдерист - Летал над Крушево
-
ДКСК: Го следиме именувањето на в.д. директори во државните институции, ќе реагираме ако има неправилности
-
Даути избрана за генерален, а Јајага за организациски секретар на АА
-
Следува период на многу топло време со температури до 40 степени