Запленети 18 000 евра откако патници се обиделе нелегално да ги пренесат преку граница
Спречен нелегален изнес и внес на девизи во државата во износ од 18 илјади евра, откако во три различни случаи, царинските службеници при контрола на патници откриле поголеми износи на девизи, коишто спротивно на закон патниците сакале да ги пренесат без да ги пријават.
Во два случаи станува збор за странски државјани кои на излез и на влез во државата на прашање од царински службеници не пријавиле ништо за царинска контрола.
Притоа на влез во државата на граничен премин Богородица, кај грчки државјанин биле пронајдени 14 илјади евра, при што согласно Законот за девизно работење вратени му се 10 илјади евра, а останатите 4 илјади евра се задржани. На граничниот премин Меџитлија пак, при претрес на српски државјанин кој патувал за Грција во внатрешниот џеб од јакната што ја носел на себе, му биле пронајдени непријавени приближно 16.000 евра. Согласно закон на патникот му се вратени 10 илјади евра што странски државјани можат да ги изнесат од државата без да ги пријават, а останатите се задржани.
Спречено е и нелегално изнесување на девизи кај македонски државјанин на излез од државата на царинска испостава Меѓународен Аеродром Скопје. Патникот во џебот носел 9.900 евра кои не ги пријавил и за нив не поседувал документација за потекло, при што од страна на царинските службеници согласно закон му се вратени 2 илјади евра - износ којшто македонски државјани може да го изнесуваат, а останатите му се одземени.
Царинска управа
Ново на Сител
-
Замрзнати вработувањата во администрација
-
Тема на денот со Ѓоко Велковски, заменик министер за социјална политика, демографија и млади
-
Ахмети го свика централното претседателство на ДУИ: Протестите можна точка за дебата
-
Училиштата во Општина Карпош и натаму без парно греење
-
Тестираните за „Птичји грип“ се негативни
-
Санкции за смртта на 14-месечното бебе
-
Почна вакцинацијата против сезонски грип – денеска термин добиле 5.700 граѓани
-
Ахмети го свика централното претседателство на ДУИ: Протестите можна точка за дебата