Захарова: Путин не го кажа тоа што тврди Бајден, погрешно го цитираше
Портпаролката на руското Министерство за надворешни работи, Марија Захарова го опиша говорот на Џо Бајден во ОН како груб и го обвини американскиот претседател дека погрешно го цитирал Путин.
– Во врска со говорот на претседателот на САД сметам дека е сосема непристојно како започна тој говор. Непристојно не затоа што немаат право да зборуваат или немаат право да допираат други земји. Туку непристојно затоа што тој тврдеше дека го цитира претседателот на Русија. Ние, како и секогаш, почнавме по двапати да ги проверуваме зборовите на Бајден. Бајден сигурно тоа го кажа, но претседателот на Русија не го кажа тоа што Бајден го пренесе, рече Захарова.
Таа додаде дека Путин го кажал сосема спротивното од она што го пренесе Бајден и американските медиуми. „Тоа е нивна пропаганда“, рече таа.
Американскиот претседател Бајден ја обвини Русија за кршење на основните принципи на членството во ОН со инвазијата врз Украина и дека „неодговорно“ се заканува со нуклеарно оружје.
Говорејќи на Генералното собрание на ОН во Њујорк, Бајден го критикуваше рускиот претседател Владимир Путин дека започнал војна без никаква причина.
– Постојана членка на Советот за безбедност на ОН го нападна својот сосед, се обиде да избрише суверена земја од мапата на светот. Русија срамно ги прекрши основните принципи на Повелбата на ОН“, рече Бајден.
– Во нуклеарна војна нема победници и таква војна никогаш не смее да се води, рече Бајден.
Американскиот претседател додаде дека никој не и се заканувал на Русија, иако таа го тврди спротивното и оти само Русија сака конфликт. Тој вети дека САД ќе останат зад Украина.
Белата куќа, исто така, објави дополнителни 2,9 милијарди долари за глобалната безбедност на храната, покрај претходно ветените 6,9 милијарди долари.
Ново на Сител
-
Заклучена врата за излез во случај на опасност, слаба заштита и незаконски огномет - низа пропусти во клубот во Кочани
-
Пациенти од Штип и Кочани се пренесуваат на скопските клиники
-
Повеќе од 4 часа трае информативниот разговор со Крешник Бектеши
-
Повредените хоспитализирани во Скопје и земјите од регионот
-
Коцевски: Се бара краткотраен притвор за 10 лица, ова е ерозија на системот
-
Крешник Бектеши се поврзува околу фалсификуваните лиценци за дискотеката во Кочани
-
Од утре темелна истрага, контрола на сите дискотеки во државата и немилосрдна борба против корумпираниот систем
-
Мицкоски: Ќе има силна кривична одговорност, независно кој од која партија е, на која функција или од која институција