Забрана за камиони на неколку патни правци во западна Македонија
Поради обилни врнежи на снег од превентивни причини утрово од осум часот е воведена забрана за сообраќај за тешки товарни возила на планинскиот превој Плетвар и на магистралниот пат Охрид - Гостивар на планинските превои Стража и Пресека.
Забрана за тешки товарни возила од 8.20 часот е воведена и на магистралниот пат Гостивар - Дебар, поточно од Мавровска крстосница кон Дебар, a oд 9 часот - на патниот правец крак Маврово - Дебар.
Сообраќајот на државните патишта се одвива во зимски услови по претежно влажни коловози, наместа со остатоци од снег на коловозот.
Патниот правец Македонски Брод - село Здуње на кој гравитираат 11 села не е прооден за секаков вид сообраќај.
Интензитетот на сообраќај на патните правци надвор од градските средини е умерен.
На граничните премини нема подолги задржувања за влез и за излез од државата, освен на граничниот премин Деве Баир каде има задржување од 30 минути. Оваа информација се однесува само за македонската страна на премините.
АМСМ препорачува исклучително внимателно возење, прилагодена брзина на движење и почитување на поставената сообраќајна сигнализација.
Авионскиот и железничкиот сообраќај засега се одвиваат без застои.
Ново на Сител
-
САД ќе продолжат да се ангажираат за прашања од заеднички интерес
-
Може ли за неколку месеци да се стане АИ експерт? | Growth Labs Academy | Sitel Podcast 050
-
Полицијата презема мерки за пронаоѓање шест лица - работници од Непал
-
Избувна пожар во светиниколско: Изгоре штала, две грла добиток, млин, сточна храна
-
Во Струмица oбид за киднапирање на тригодишно дете, полицијата испитува дали се работи за кривично дело
-
Мицкоски за можна средба со Мицотакис во Вашингтон: Се надевам дека ќе го задржиме достоинството и дека ќе разговараме како партнери и добри соседи
-
Путин очекува Орбан да зборува од името на Европа за Украина
-
НАТО на самитот во Вашингтон ќе бара стандардизација на артилериската муниција