За килограм бакар, онеспособиле пет канделабри во Кавадарци
За килограм бакар, непознати лица онеспособиле пет канделабри од уличното осветлување во Кавадарци. За оваа кражба од синоќа, денеска информираа од Службата за односи со јавноста при кавадаречката општина.
Оштетувањето и кражбата на главен доводен кабел биле извршени на улицата „Страшо Пинџур„ кај таканаречените „Ваташки згради”. Оштетен бил и подземниот кабел за улично осветлување во урбаната заедница „Слога“, кај Народната кујна.
-Направена е голема материјална штета, а до санирањето на состојбите на терен, ова подрачје ке остане без струја навечер. Локалната самоуправа ќе изврши интервенција и уличните светилки поворно ќе бидат ставени во фунција, но со надземни водови, со што ќе биде нагрден овој реон, соопштија од Службата за информирање при општината.
Оттаму информираа дека според жителите кои живеат во околината, ова не е прва и единствена ваква кражба. Досега биле забележани повеќе насилни влегувања и штети особено во гаражите и другите станбени објекти во овој дел на градот, лево од улицата „Страшо Пинџур“, каде крадците „оперирале“ особено во ноќните часови.
Најновата кражба и оштетувањето на уличното осветлување, биле пријавени кај соодветните служби.
Ново на Сител
-
Се стопираат етничките вработувања во администрацијата
-
Дамева бара одговорност за судијата Нанев, тој тврди дека Дамева го омаловажува бидејќи не трпи успешни судии
-
Влада: Договорот на Државната лотарија и Хеј ДООЕЛ не е само штетен, туку и за кривично гонење
-
Преглед на вестите од светот
-
Мицкоски и Муцунски патуваат во Брисел
-
Таравари: Ахмети да се навикне на опозиција
-
Готов предлогот за есенската кошничка
-
Учениците со посебни потреби добија асистенти