Во Штип ќе се градат две тениски игралишта
Агенцијата за млади и спорт ќе гради уште две тениски игралишта во Штип. Терените ќе се наоѓаат веднаш до мултифункционалното игралиште во населбата Сењак.
Портпаролот на Општина Штип, Драган Ристов информира дека екипи веќе од денеска започнале со расчистување на теренот по што ќе следи и изградбата на двата тениски терена.
- Со тоа се создаваат услови за формирање спортски комплекс во овој дел на градот, а по завршување на тениските игралишта, локалната самоуправа ќе презеде активности за уредување на преостанатиот простор и негово облагородување како паркова површина со соодветни елементи за одмор и рекреација, изјави Ристов, заблагодарувајќи и се на Агенцијата за млади и спорт за нејзиниот севкупен ангажман за збогатување на градот со спортски терени.
Тој истакна дека во Штип ќе има четири нови тениски терени и дополнително уште неколку кај градскиот базен со што се создаваат услови за формирање на тениска академија, која би била дел од средното образование во Штип, покрај фудбалската паралелка која функционира во рамки на средното електро-машинско училиште „Коле Нехтенин“.
Ново на Сител
-
ЦУК: Конститутивна седница на Управувачкиот комитет за координација
-
Кривична пријава за 16-годишник од Крива Паланка, украл автомобил од сограѓанин
-
Тешко повредени мајка и ќерка од Гостивар откако врз нив паднала порта
-
Ужас во Скопје: Го киднапирале и го натерале да се самозапали
-
Оливер Миланов ја презеде функцијата директор на Агенција за храна и ветеринарство
-
Злате Мехмедовиќ ќе биде новиот директор на Клиниката за физикална медицина и рехабилитација
-
Франција распореди 30.000 полицајци поради страв од немири на денот на изборите
-
Кој е Кир Стармер, идниот британски премиер?