ВМРО-ДПМНЕ: Со кратењето пари од образованието ќе се уназадат генерации деца
ВМРО-ДПМНЕ денеска обвини дека СДСМ со новиот ребаланс во буџетот крати 453.800.000 денари, пари наменети за основно и средно образование, со што, како што велат од партијата, ќе уназади генерации млади деца.
- Со ова во основното и средното образование се блокираат инфраструктурни проекти, се кратат пари за реновирање и изградба на основни и средни училишта, се укинуваат пари за изградба на спортски сали во основни и средни училишта, се укинуваат и пари наменети за интегрирани училници за основното и средното образование со кои би се подобрил квалитетот на образованието на учениците, рече на денешната прес-конференција Бојан Стојаноски од ВМРО-ДПМНЕ.
Тој додаде, дека иако од СДСМ велеле дека најмногу ќе вложат во образованието, со посоченото кратење потврдуваат дека немаат намера да вложуваат и да го развиваат образованието.
- Со самото тоа што кратат дури 453.800.000 денари од образованието, тие потврдуваат дека за нив инвестирањето во образованието е расфрлање. Инвестирањето во образованието е непотребен трошок, а набавката на октоподи, морска храна и цвеќиња очигледно е потребен трошок за функционерите на СДС. Ова е начинот на владеење на СДС. Ова е образовната политика која ја нуди СДС на државата. Со овие антиреформи на СДС, ние се враќаме 20 години наназад, рече Стојаноски.
Ново на Сител
-
Тема на денот со Љубомир Ѓурчевски, поранешен началник на МВР
-
„ДИГИТМАК“: Нов центар за поддршка на дигиталната подготвеност на бизнисите
-
Поништен огласот за претседател на судот во Кавадарци, Нанев немал право на трет мандат
-
Tекстилството останува без кадар, со ниски плати и непочитување на работничките права
-
Нова енергетска криза – Македонија нема да остане изолирана
-
Пожар во подрум на десеткатница во Чаир, затруени со чад повеќе од 40 лица
-
Иран го нападна Израел
-
Ахмети не сака да биде дел од власта, не бил резервна гума