ВМРО-ДПМНЕ: Граѓаните знаат кој најмногу направил за економијата
Единствен начин економијата да се врати на успехот кој го имаше изминатите години е да се организираат нови парламентарни избори, на кој ќе се соочат економските програми и проекти на ВМРО-ДПМНЕ и странски платформи и агенди на СДС, наведува ВМРО-ДПМНЕ во реакција на прес-конференцијата на СДСМ од каде сметаат дека има можност за рецесија на домашната економија ако брзо не се формира влада.
Според ВМРО-ДПМНЕ, граѓаните знаат многу добро кој има најмногу направено за економијата, стандардот и стопанството во Македонија.
- Граѓаните паметат каква економска катастрофа предизвика СДС во секое негово владеење. Впрочем СДС со своето деструктивно однесување изминатиот период предизвика доволно штета и на државата и на граѓаните и на економијата. Наместо планови за живот, СДС на граѓаните им испорача план за редефинирање на државата. СДС покажа дека економијата не им е приоритет, туку распродажбата на државните и националните интереси, се вели во реакцијата.
ВМРО-ДПМНЕ смета дека е лицемерно СДСМ да се прикажува како партија на економски експерти, ако, наведува, се земе предвид дека во време на владеење на оваа партија земјата достигна историско највисоко ниво на невработеност и највисока невработеност во Европа.
- Станува збор за невработеност од дури 38 проценти, која дојде како последица од криминалната приватизација која ја спроведе СДС и благодарение на која 200.000 семејства останаа без извор на егзистенција. Владата на ВМРО-ДПМНЕ, пак, отвори нови 170.000 работни места и ја намали невработеноста за 15 процентни поени. Дури и во екот на политичката криза странските инвеститори продолжуваат да веруваат во економските политики на владата на ВМРО-ДПМНЕ и отвораат нови капацитети или ги прошируваат постоечките, истакнува ВМРО-ДПМНЕ.
Ново на Сител
-
Лидерите на регионот, ЕУ и САД на Самитот за планот за раст за Западен Балкан на 16 мај во Котор
-
Осумдесетгодишник од Теарце со изгореници заврши во болница откако му се запали домот
-
Силјановска-Давкова утре ќе го почне претседателскиот мандат со свечена изјава во Собранието
-
Честитка до Мицкоски од МД „Илинден" и Македонците во Албанија, за двојната победа на изборите
-
Силјановска Давкова: Добивањето на уверението од ДИК и прогласувањето во Собранието се формално финале на изборите
-
Приведени двајца кумановци за поседување дрога
-
Променливо време со повремен дожд и во наредните денови
-
Априлската инфлација во Албанија 2,1 отсто и понатаму најниска во регионот