Триумф на Адел на Брит Авордс
Британската пејачка Адел триумфираше на синоќешното доделување на наградите на британската музичка индустрија за оваа година, освојувајќи четири признанија, вклучувајќи ги и оние за најдобра британска пејачка и најдобар британски албум („25“), јави Би-Би-Си.
- Да се вратиш по толку долго време и да бидеш така топло пречекан, ми значи многу, рече таа.
Адел, која го затвори шоуто со песната „When We Were Young“, доби и награда за најдобар британски сингл „Hello“ и награда за глобален успех.
Британската музичка индустрија на церемонијата му оддаде почест и на починатиот Дејвид Боуви. Пријателот на Боуви, Гери Олдман, ја прими наградатга Брит Ајкон за животно дело во име на починатиот пејач и неговото семејство.
Свеченеото доделување на Брит Авордс 2016 го отворија „Колдплеј“ со живописната изведба на нивниот сингл „Hymn For The Weekend“ „Колдплеј“ освои награда за најдобар британски бенд со што стана најуспешна група во историјата на овие награди.
Наградата за најдобар британски пејач ја доби Џејмс Беј, а австралискиот рок бенд „Tame Impala“ е најдобра странска група. За најдобра странска пејачка е избрана Исланѓанката Бјорк, а за најдобар странски пејач Канаѓанецот Џастин Бибер, кој ги изведе неговите популарни синглови „Love Yourself“ и „Sorry“.
Ново на Сител
-
Заклучена врата за излез во случај на опасност, слаба заштита и незаконски огномет - низа пропусти во клубот во Кочани
-
Пациенти од Штип и Кочани се пренесуваат на скопските клиники
-
Повеќе од 4 часа трае информативниот разговор со Крешник Бектеши
-
Повредените хоспитализирани во Скопје и земјите од регионот
-
Коцевски: Се бара краткотраен притвор за 10 лица, ова е ерозија на системот
-
Крешник Бектеши се поврзува околу фалсификуваните лиценци за дискотеката во Кочани
-
Од утре темелна истрага, контрола на сите дискотеки во државата и немилосрдна борба против корумпираниот систем
-
Мицкоски: Ќе има силна кривична одговорност, независно кој од која партија е, на која функција или од која институција