Талевски: 2 години локална власт, ДПМНЕ и Јовчески ги изневерија прилепчани
Почитувани,
Поминаа две години, половина од мандатот како локална власт на Борче и ДПМНЕ во Прилеп.
Заклучокот е поразителен: ДПМНЕ ги изневери граѓаните. Нема проекти. Нема резултати.
Безброј нереализирани избори ветувања дадени пред граѓаните, безброј нереализирани проекти од изборната програма на градоначалникот.
По заслуга на ДПМНЕ и Јовчески, прилепчани плаќаат и до 300 отсто повисок данок на имот во однос на досегашниот.
Борче и ДПМНЕ ги покачија сметките за комунални услуги за 67 отсто, а поскапеа паркингот и јавниот градски превоз.
За привремени вработувања на партиски војници на ДПМНЕ, Борче Јовчески потроши фантастични 700.000 евра, пари на граѓаните на Општина Прилеп.
Иако за 2 години потрошија близу 50 милиони евра, Борче и ДПМНЕ не успеаја да реализираат ниту еден проект од нивната изборна програма.
Нема катни гаражи и нови кружни текови.
Ветената реконструкција на Старата прилепска чаршија, градските плоштади и амфитеатарот во Варош, останаа мртво слово на хартија.
Нема бесплатен оброк за учениците до четврто одделение, ниту бесплатни училишни униформи за децата од социјално загрозените семејства.
Наместо градежна офанзива, на Прилеп му се случува урбанистички хаос. Дивоградби никнуваат на секој чекор, а градот е потонат во целосен мрак.
Повеќе од 250 дечиња и натаму ја чекаат новата детска градинка.
Прилеп се гуши во смет и ѓубре, загаденоста на воздухот достигнува алармантни размери.
Борче и ДПМНЕ ја згаснаа 20-годишната традиција на „Пивофест“.
Со нив, спортот во градот го допре дното, вклучително и гордоста на прилепчани - фудбалскиот клуб „Победа“.
Резултати нула!
Борче и ДПМНЕ ги изневерија прилепчани.
ДПМНЕ не ја оправда довербата од прилепчани дадена на локалните избори.
ДПМНЕ ги разочара, ги изневери граѓаните на Прилеп.
Прес-конференција, Миле Талевски, пратеник на СДСМ
Центар за комуникации со јавноста на СДСМ
Ново на Сител
-
Политико: Колапс на напорите да се задржи ултрадесницата надвор од власт во ЕУ
-
Косовската опозиција со резолуција бара оставка на Курти и распуштање на Собранието
-
Сиљановска Давкова: Кирил го вградил не само својот живот, туку и нашиот во Европа и тоа мора да го почитуваме
-
Санкционирани 106 возачи на територијата на Скопје
-
Кацарска на 19. Конгрес на Конференција на европски уставни судови во Молдавија
-
Километарски колони на Богородица - се чека и по еден час
-
Првата група украински пилоти ја завршија обуката во САД за управување со Ф-16
-
Елмедин Конаковиќ најави протестни ноти до земјите што беа против резолуцијата за Сребреница