Тајфунот Меги се приближува до Тајван
Училиштата и канцелариите на Тајван се затворени, а повеќе од пет илјади луѓе се евакуирани, откако силниот тајфун Меги, со ветрови со јачина од 162 километри на час се приближи денеска до овој планински остров.
Генералниот директор на Националната агенција за борба против пожари Чен Вен-лунг истакна дека властите на Тајван го подигнале нивото на предупредување, бидејќи се очекува дека ветровите и дождот, кои ги носи Меги ќе го погодат целиот остров.
Тој додаде дека изутринава се евакуирани 5.336 лица од планинските подрачја, каде постои ризик од поплави и свлечишта.
Повеќе од половина од нив се засолниле во прифатилишта, додека останатите се сместени кај членови на семејствата или пријатели.
Училиштата и канцелариите се затворени ширум островот.
Централниот хидрометеоролошки завод наведува дека Меги има 500 километри во пречник, додека неговите ветрови достигнуваат брзина до 198 километри на час.
Летовите се откажани на тајванскиот меѓународен аеродром, а повеќето брзи железници и другите возови исто така не сообраќаат.
Меги е четврти тајфун оваа година, што ќе го погоди Тајван.
Ново на Сител
-
Штипјанка пронашла делови од човечко тело за кои претпоставува дека се на нејзината мајка
-
Почина маж по пад од дрво, приведена неговата невенчана сопруга
-
АА: Братството со Србија го откри вистинското лице на оваа Влада
-
Ердоган: Нетанјаху ќе биде запрен како Хитлер
-
Царинската управа ќе работи на воспоставување на нов граничен премин Клепало
-
Музиката може да поттикне побрз раст и развој на растенијата
-
Јаневска: До крајот на мандатот услови за едносменска настава во сите училишта и ангажирање на 3000 вишок наставници
-
Фудбалски тим од третата грчка лига останал без опремата додека со траект патувал од Крит за Атина