Страшни снимки по земјотресот во Италија

Утрово серија од три силни земјотреси ја потресоа централна Италија, со интензитет од 5,4 степени по Рихтеровата скала.

 

Првиот земјотрес со интензитет од 5,4 степени по Рихтер се случил во 10:25 часот, по локално време, вториот во 11:14 часот, со интензитет, меѓу 5,6 и 5,7 степени и третиот силен земјотрес со интензитет од околу 5,5 степени бил регистриран во 11:26 часот, по локално време.

 

Епицентарот на сите три земјотреси бил  на 110 километри североисточно од Рим и на длабочина од 40 километри во зоната помеѓу општините Риети и Аквила.

 

Од безбедносни причини во Рим, каде што беа почувствувани потресите, беа евакуирани патниците од метрото и училиштата.