Стојанче Ангелов: Потфрливме како влада, соработката со СДСМ е минато
Стојанче Ангелов, директор на ЦУК и претседател на Достоинство изјави дека соработката со СДСМ е минато.
На новинарско прашање за идна соработка со СДСМ, Ангелов не го криеше незадоволство од власта, а особено се осврна на црната листа и извештајот од Европската Комисија.
- Ние потфрливме како влада, јас ќе се повикам на извештајот на Европската Комисија. Ставањето на вицепремиер на црната листа за мене е погубно, а градоначалникот од редовите во ДУИ исто така заврши на оваа листа - вели Ангелов.
Стојанче Ангелов е категоричен дека соработката со СДСМ веќе е минато, а тој е разочаран дека партијата не ги исполнила барањата на неговата политичка партија „Достинство“.
- Во овој момент сметам дека соработката со СДСМ веќе е минато. Оваа влада потфрли во суштината на Достинство. Прогласија само четири воени инвалиди. СДСМ треба да го притисне ДУИ и Талат Џафери, вели Ангелов.
Ангелов вели дека е разочаран од власта, пред сѐ од тоа дека СДСМ за сите прашања се консултира со ДУИ.
Ново на Сител
-
МНР го повика на консултации амбасадорот во Албанија
-
Ќе се спојуваат разузнавачките агенции, утре на владина седница нови именувања во третиот ешалон
-
Распишан тендер за нова компресорска станица – хируршките сали на Клинички нормално ќе профункционираат во декември
-
Фејсбук измама со криптовалути, злоупотребено името на премиерот
-
Преглед на вести од светот
-
Престрелка во Батинци - Убиен 34 годишен маж
-
Преглед на вестите од светот
-
Има ли можност за нови преговори со Бугарија?