Стејт департмент: Примирјето во Сирија главно се одржува

Прекинот на огнот во Сирија кој стапи во сила пред две недели главно се одржува и дојде до драматично намалување на насилството, изјави портпаролот на Стејт департментот Џон Кирби.

Прекинот на огнот овозможи да отпочне хуманитарно доставување помош во некои од опколените подрачја, прецизира Кирби.

Тој сепак предупреди дека конфликтот, во кој загинаа повеќе од 270.000 лица од март 2011 достигнал критична точка, бидејќи и покрај намалувањата на насилствата, останува длабоката загриженост поради континуираното кршење на примирјето, вклучувајќи и напади врз цивили и опозициските сили, извршени, од како што рече, сирискиот режим.

Кирби ги повика сите страни да ја искористат оваа можност, дополнувајќи дека не треба таа да се пропушти било поради негрижа, било поради свесно недејствување.