Средба Пендаровски - Османи во Приштина
Претседателот на државата Стево Пендаровски во рамки на работната посета на Република Косово, денеска во Приштина остварил средба со претседателката на Република Косово, Вјоса Османи-Садриу, соопштија од Кабинетот на Претседателот на Република Северна Македонија.
На средбата, било изразено задоволство од нивото на билатералните односи меѓу двете држави кои се пријателски, динамични и засновани на меѓусебно почитување и разбирање.
Како што стои во соопштението, во фокусот на разговорите биле актуелни теми од билатералните односи, европската перспектива на двете држави, случувањата во однос на дијалогот Белград-Приштина, како и предизвиците на регионален и мултилатерален план и безбедносната состојба во регионот и пошироко.
Претседателот Пендаровски го реафирмирал ставот за поддршка на евро-атлантските аспирации на Косово, како и активното пристапување на Косово кон постојните регионални иницијативи и форуми, при што нагласил дека нашата држава е подготвена да ги сподели своите искуства во однос на реформските процеси, како на патот кон Европската Унија, така и во однос на членството во НАТО Алијансата.
Во тој контекст, соговорниците констатирале дека двете држави имаат значајно место со својата активна улога во заедничките напори за постигнување на трајна стабилност, добрососедство и економски просперитет на овој дел од Европа и дека заедничката иднина во евро-атлантските структури е влог во натамошна стабилизација и просперитет на регионот на Западниот Балкан.
Пендаровски и Вјоса Османи-Садриу, се посочува во соопштението, се заложиле за продлабочување на соработката во сите области од заемен интерес, особено во економијата и ги нагласија заложбите за активен придонес кон инфраструктурно развиен и економски просперитетен регион.
Ново на Сител
-
Тема на денот со Дарко Аврамовски
-
Пентагон: Билатералните односи да останат надвор од НАТО
-
Се китат со туѓи перја - Српскиот министер за култура го присвои родното место на Јустинијан Први
-
Пратениците од крилото на Села остануваат со Европскиот фронт
-
ВМРО-ДПМНЕ со обвинувања до Венко Филипче
-
Задругите се иднината на Македонското земјоделие, но се уште се на незавидно ниво
-
Спектакуларно отворање на 50-то издание на фестивалот на народни песни ,,Пеце Атанасовски‘‘ во Прилеп
-
По теркот на останатите туристички центри потребно е да се работи на инклузивен туризам